Kreizennoù vakañsoù e brezhoneg

Malizenn ar marvailhoù

Etre 8 ha 12 bloaz
Deus ar sul 7 betek ar sadorn 13 a viz Gouere 2019

Petra a c’hoarvezo hiziv ? Digoromp buan malizenn ar marvailhoù evit gouzout petra a zo enni… ha petra a vo tem an devezh.
Klask an teñzor, land-art, kontadennoù, arkeologiezh, c’hoariva, gwriat
gwiskamantoù, mojennoù, furlukinat, sevel taolennoù-bev ha kalz traoù all c’hoazh.
Avanturioù, diskoachadennoù, sevel traoù, kaout plijadur gant kamaraded
ha kamaradezed… burzhudus e teu ar c’hamp da vezañ !

Pellgargit fichenn ar c’hamp

Evit lakaat anv ho pugel ?

Pellgargit an diell a-us, ha kasit anezhañ leuniet deomp da Studi ha Dudi – 6 hent Sant Per -22720 Plésidy, gant ur chekenn 100 euro.

Pellgargit ar follenn enskrivañ

… mat da c’hoût !

Degemeret e vez ar Chekennoù vakañsoù
Aotre JEP (Kevredigezh “Jeunesse et Education Populaire”) tapet e 2007 (DDJS Aodoù an Arvor (Niv 22 JEP 084).

Kreizennoù vakañsoù all e brezhoneg…

Labourat a ra Studi ha Dudi e-barzh ar bodad-labour “Dudioù e Brezhoneg ha e Gallo” krouet gant an UBAPAR :

  • kas war-raok stajoù ha kreizennoù vakañsoù nevez
  • stummañ buhezourien ha renerien ar greizennoù vakañsoù (diplomoù DABU ha DARE kaset e brezhoneg)
  • brudañ holl asambles ar greizennoù vakañsoù e brezhoneg hag e gallo (embann ul levrig bep bloaz…).

Evit goût hiroc’h war ar greizennoù vakañsoù kaset gant hor genseurted (An Oaled, Ti ar C’hoadoù, Gevred, COCOPAQ, Assembiées Gallèses, KLT, KEAV, La Fédé…) kit war lec’hienn an UBAPAR : www.ubapar.bzh